Sige lang, mahal
Tama iyan, mahal, lumayo ka
Dahil hindi ko ata kayang malapit ka
Sa tuwing lalapit ka hindi ko matantya
Kung ligaya ba ang nadarama ko o kaba
Ligaya dahil andyan ka lang sa tabi
Kaba dahil wala ata akong masabi sa pangangatal ng aking labi
Tama iyan, mahal, lumaya ka
Hanapin mo ang sa’yo ay magpapaligaya
Maglakad ka, tumakbo ka, magbabad ka sa iyong mga nais
Huwag mong intindihin kung ako ay tumatangis
Ang hangad ko ay lumipad ka
Mawala hanggang ikaw ang magkusa
Babalik sa akin kung sa iyong paglihis
Naisip mong puso nati’y magkabigkis
Kaya tama iyan, mahal, huminto ka
Huwag mong hayaang mabuyo ka nila
Magdasal hanggang sabihin Niya
“Hayan na ang iyong prinsesa.”
Sige lang mahal, naiintindihan kita
At huwag kang mag-alala
Wala ka pa man din, nandito ako,
Naghahanda sa pagdating mo.
